“ABŞ dolları dünyanın aparıcı valyutası statusunu itirə bilər”.
1xeber.media Globalinfo.az-a istinadla xəbər verir ki, bunu amerikalı iqtisadçı Barri Eyxenqren deyib.
O, səbəb kimi ABŞ Prezidenti Donald Trampın siyasətini göstərib:
“Ağ Ev sahibinin hərəkətləri dolların hökmranlığının əsaslandığı ənənəvi təməlləri zəiflədir. Bu valyutanın dominantlığı ticarət, ittifaqlar və institutlara əsaslanırdı. İndi həmin dövrün sonu gələ bilər. Tramp qısa müddətdə beynəlxalq münasibətləri və dolların əsrə yaxın hökmranlığının əsaslandığı qarşılıqlılıq prinsiplərini tamamilə məhv etməsə də, zəiflətməyə nail olub”.
İqtisadçı vurğulayıb ki, müttəfiq ölkələrin ABŞ-ın onlardan üz döndərdiyi barədə narahatlığı da valyutaya təsir göstərir.
Qeyd edək ki, bundan əvvəl Donald Trampın Kanada, Meksika və Çindən idxal edilən əksər mallara gömrük rüsumları tətbiq etməsi dolların valyuta kimi zəifləməsinə səbəb olub.
