3, 4 və 5 saylı Bakı "ASAN xidmət" mərkəzlərində təmizlik işləri həyata keçiriləcək.
Vətəndaşlara Xidmət və Sosial İnnovasiyalar üzrə Dövlət Agentliyinin müvafiq işlərin görülməsi ilə bağlı elan etdiyi tender sona çatıb.
Məlumata əsasən, tenderin qalibi "Təmizkom" MMC olub və tərəflər arasında 677.270,44 AZN dəyərində müqavilə imzalanıb.
Müqaviləyə əsasən, adıçəkilən mərkəzlərin binalarında təmizlik işləri görülməklə yanaşı, binaların fasadlarının yuyulması da həyata keçiriləcək.
Xatırladaq ki, ötən ilin 30 yanvar tarixində də tərəflər arasında 2 müqavilə imzalanmışdı. Bu müqavilələrlə "Təmizkom" MMC 5 saylı Bakı “ASAN xidmət” mərkəzi və Bərdə regional “ASAN xidmət” mərkəzinin 2024-cü il təmizlənməsini öhdəsinə götürmüşdü. Bu xidmətlərin qarşılığında isə MMC-yə müvafiq olaraq 136.445,76 AZN və 158.645,81 AZN vəsait ödənilmişdi.
Qeyd edək ki, 22 may 2025-ci ildə dövlət qeydiyyatına alınan və 10 manat nizamnamə kapitalına malik şirkətin qanuni təmsilçisi Musayev İlqar Musa oğludur. Valyuta.Az
