Macarıstanın Xarici İşlər və Ticarət Nazirliyinin dövlət katibi Boqlarka İlleş Azərbaycana səfər edəcək.
Bu barədə Trend-ə diplomatik mənbədən məlumat verilib.
"O, Cənub Qaz Dəhlizi Məşvərət Şurasının Bakıda keçiriləcək iclasında Macarıstan nümayəndə heyətinə rəhbərlik edəcək", - mənbə qeyd edib.
Qeyd edək ki, bu il aprelin 4-də Bakıda Cənub Qaz Dəhlizi Məşvərət Şurasının 11-ci iclası keçiriləcək.
Cənub Qaz Dəhlizi (CQD) Xəzər regionundan təbii qazı Avropaya nəql edir. CQD-yə üç əsas boru kəməri sistemi daxildir: Cənubi Qafqaz Boru Kəməri (CQBK), Trans-Anadolu Qaz Boru Kəməri (TANAP) və Trans Adriatik Boru Kəməri (TAP). Dəhlizin ilkin ötürücülük qabiliyyəti ildə 10 milyard kubmetr olmaqla, 20 milyard kubmetrə qədər artırılması mümkündür.
