Azərbaycan Respublikası Milli Məclisi deputatların avtomobilləri ilə bağlı elan etdiyi tenderə yekun vurub.
1xeber.media tribunainfo.az-a istinadla xəbər verir ki, dünən bununla bağlı nəticələr açıqlanıb.
Rəsmi qaynaqlarda qeyd edilir ki, deputatların istifadəsində olan avtomobillərin cari təmiri xidmətinin satın alınması məqsədi ilə keçirilən müsabiqənin qalibi “MY AUTO” MMC olub. Milli Məclislə şirkət arasında
965 min 690 manatlıq müqavilə imzalanıb.
Araşdırma zamanı məlum olub ki, “My Auto Service” mərkəzinin “Facabook” səhifəsində e-mail ünvanı kimi [email protected] göstərilib. Eyni zamanda əlaqə üçün qeyd olunan mobil telefon nömrəsi (055 203 11 21) həm də “Bəşir Bünyadov 40A” ünvanında yerləşən “Okean Avto Servis” mərkəzinə aiddir. Bakının məşhur təmir salonlarından olan “Okean Avto Servis”ilə bərabər “Babək Prospekt 21” ünvanında “Okean Avtosalon” adlı avtomobil satış mərkəzi də fəaliyyət göstərir. Bu mərkəzlərlə eyni adda olan “Okean Avto” MMC (VÖEN-1301673961) adlı şirkət 03.06.2008-ci ildə dövlət qeydiyyatına alınıb. Şirkətin hüquqi ünvanı Yasamal rayonu, Nəriman Nərimanov pr, ev 57/24, m. 33-də yerləşir. Qanuni təmsilçisi Hacıyev Əhsən Zabit oğludur.
