Cari ilin fevralın sonuna olan məlumata görə, Qarabağ iqtisadi rayonundan banklara qoyulmuş əmanətlərin həcmi 91,7 milyon manat olub.
1xeber.media bu barədə Azərbaycan Mərkəzi Bankından məlumat əldə edib.
Bildirilib ki, bu göstərici yanvar ayının sonu ilə müqayisədə 112 min manat və ya 0,12% azdır.
Belə ki, yanvarın sonunda Qarabağ iqtisadi rayonundan banklara qoyulmuş əmanətlərin həcmi 91,8 milyon manat idi.
Fevralın sonunda Şərqi Zəngəzur iqtisadi rayonundan banklara qoyulmuş əmanətlərin həcmi 439 min manat olub ki, bu da, illik müqayisədə 64 min manat, yaxud da 12,7% azdır. Yanvarın sonunda Şərqi Zəngəzur iqtisadi rayonundan banklara qoyulmuş əmanətlərin həcmi 503 min manat təşkil edib.
Qeyd edək ki, bu ilin fevralın sonuna Azərbaycanda regionlar üzrə cəlb olunmuş əmanətlər 14,835 milyard manat təşkil edib ki, bu da, əvvəlki ayla müqayisədə 137 milyon manat, yaxud da 0,93% çoxdur. Fevralın sonunda Azərbaycanda regionlar üzrə cəlb olunmuş əmanətlər 14,7 milyard manat idi.
