Hazırda dünyanın ən varlı adamı hesab edilən İlon Mask sərvətini inkar edən sadə və eyni zamanda qeyri-ənənəvi həyat tərzi ilə yenidən gündəmdədir.
"Tesla", "SpaceX" və "X"in CEO-su dəbdəbəli malikanə əvəzinə cəmi 50.000 dollara və 35 kvadratmetr ölçüyə malik prefabrik evdə yaşayır. Üstəlik, bu kiçik evi 12 uşağı ilə bölüşür.
Maskın evi "SpaceX"in Texas ştatının Boka Çikadakı buraxılış yerinə çox yaxındır. "La Casita" adlanan bu kiçik ev prefabrik evlər istehsal edən "Boxabl" şirkəti tərəfindən tikilib. Təxminən 6x6 metr sahədə tikilmiş evdə mətbəx; hamam, oturma sahəsi və yataq otağı var. Ultra davamlı materiallardan hazırlanmış bu ev hətta qasırğalara da davamlıdır.
Məlumata görə, Maskın bu evdə yaşamaq üçün üç əsas motivi var. Bəziləri Maskın seçiminin davamlılıq və səmərəliliklə bağlı olduğunu desə də, üç əsas səbəb bulardır:
- Prefabrik evlər istehsal edən Boxabl markasını qlobal miqyasda tanıtmaq,
- Milyard dollarlıq layihələri "demək olar ki, heç bir şey olmadan idarə edə bilən uzaqgörən bir insanı təsvir etmək",
- Marsda qurulacaq yaşayış sahələri üçün uyğunlaşma prosesinə başlamaq.
İlon Mask həqiqətənmi sadə həyat sürür, yoxsa onun bu evdə yaşaması bir ziddiyyətdir?
Kiçik bir evdə yaşasa da, şəxsi təyyarələrlə səyahət edir və sərvəti 330 milyard dolları keçən onlarla ölkənin milli gəlirindən daha çox gücə malikdir./unikal.az
