"Tunelləri bağalamaq çarə deyil. Bunu kim deyirsə, düz demir. Yağış həmişə yağır. Allahın işidir. Mən mütəxəssis deyiləm, amma yağışın tunelə dolmaması üçün borularla sular başqa yolla birləşdirilib axıdıla bilər. Elə bir problemli iş deyil. Şəxsən mənim ixtiyarıma verilsə, bu məsələlərin hamısını bir günə həll edərəm".
1xeber.media xəbər verir ki,bu sözləri Pravda.az-a açıqlamasında Müasir Müsavat Partiyasının sədri Hafiz Hacıyev deyib.
"Eldar Əzizov Hacıbala Abutalıbovdan fərqli olaraq xeyli işlər görüb. Tunellərlə bağlı olan problemlər Eldar Əzizovdan əvvəl olan məsələlərdir. Cənab Prezidentin altı-yeddi il əvvəl kanalizasiya xətlərinin çəkilməsi barədə fərmanı oldu. Həmin fərmanın icrası Ramiz Mehdiyevə tapşırılmışdı. Neçə milyardlarla pul ayrılmışdı. Mehdiyev bu pulları yedi. İndi də Eldar Əzizov pis vəziyyətdə qalıb, səlahiyyətlər də fərqlidir. İndi İri Şəhərlərin Birləşmiş Su Təchizatı Xidməti var. Hərə bir idarə yaradıb. Buna görə də anarxiya yaranıb. Heç kim heç kimin kitabını oxumur. Eldar Əzizovu söysək də, təhqir etsək də, onun səlahiyyəti yoxdur. Düzgün etmirlər. Gərək, bu işləri görməsi üçün əlində səlahiyyət olsun. O həm də dedi ki, iki il ərzində yağış sularının axıdılması sistemi yaradılacaq. Eldar Əzizovun kanalizasiya çəkmək, su idarəsinin rəisinə göstəriş vermək ixtiyarı yoxdur. Düşünürəm, Bakı şəhər bələdiyyəsi yaradılmalıdır, bütün kommunal, təsərrüfat işləri bələdiyyəyə tapşırılmalıdır. Yoxsa hər kəs bir-birinin üstünə atır. Hamı məsluliyyətdən yayınır, vəziyyət də bu həddə çatıb. Gözləyək görək, bu anarxiyaya nə vaxt yekun vurulacaq ki, yağış yağanda da camaat rahat olsun", — o bildirib.
