İran və Rusiya Federasiyası arasında Hərtərəfli Strateji Tərəfdaşlıq Sazişi iki dövlət arasında artıq həyata keçirilən və gələcək ikitərəfli layihələr üçün hüquqi baza yaratmaq məqsədi daşıyır.
1xeber.media xəbər verir ki, bu barədə aprelin 21-də Milli Tədqiqat Universitetinin Ali İqtisadiyyat Məktəbinin baş müəllimi, Rusiya Elmlər Akademiyasının Şərqşünaslıq İnstitutunun elmi işçisi Qriqori Lukyanov “İzvestiya”ya məlumat verib.
Lukyanov qeyd edib ki, sənəd iki ölkənin iqtisadiyyatlarındakı struktur fərqlərinə, eləcə də Qərb ölkələrinin sanksiya təzyiqləri nəticəsində yaranmış əlverişsiz vəziyyətə baxmayaraq, tərəflərin əməkdaşlığı inkişaf etdirmək niyyətini nümayiş etdirir.
Onun sözlərinə görə, saziş yeni üfüqlər açmaqdan çox, artıq həyata keçirilən ikitərəfli layihələr və gələcək çoxtərəfli əməkdaşlıq üçün institusional hüquqi baza yaratmaq məqsədi daşıyır.
