Sabah Xorvatiyanın Poreç şəhərində Dünya Seriyasının 2-ci mərhələsi keçiriləcək.
1xeber.media xəbər verir ki, iki gün davam edəcək yarışda baş məşqçi Oyan Nəzərianinin rəhbərliyi altında bu növdə 3 qat dünya çempionu olmuş İbrahim Yusubovla (90 kq) yanaşı, debütant Vüsal Əliyev (70 kq) çıxış edəcək.
Şənbə günü qrup mərhələsinin görüşləri keçiriləcək. Həlledici qarşılaşmalar bazar günü baş tutacaq. Görüşlər Bakı vaxtı ilə 12:00-da başlayacaq.
Qeyd edək ki, Dünya Seriyası 5 mərhələdən ibarətdir. Yekunda bütün mərhələlər üzrə ən çox xal toplayan güləşçilər dünya çempionu ünvanına sahib çıxacaq.
