İsrail-İran münasibətləri barədə cəmiyyətimizdə ənənəvi olaraq gərgin mübahisələr gedir. Ziddiyyətlərin kökündə isə çox zaman məsələyə bir-birinə aidiyyəti olmayan prizmalardan yanaşmalar dayanır.
1xeber.media xəbər verir ki, bu barədə politoloq Kamran Cəfərov qeyd edib.
O bildirib ki, münaqişəyə münasibət formalaşdırmaq üçün hər bir insanın əvvəlcə iki əsas suala öz-özlüyündə cavab verməsi vacibdir:
“1. İran artıq nüvə silahı əldə etməyin astanasındadır. Heç düşünmüsünüzmü ki, İran nüvə silahı əldə edərsə, hansı hərbi-siyasi gücə çevriləcək? Bu, regionumuzda geosiyasi güc balansını necə dəyişəcək? Biz İranın belə güclənməsində maraqlıyıqmı?
2. İran Rusiyanın əsas müttəfiqlərindən biridir. O, Ukraynaya qarşı müharibədə Rusiyaya açıq və sistemli şəkildə dəstək verib. Bəs sivil dünya üçün Rusiyanın yanında duraraq onun aqressiyasına ortaq olan bir ölkənin güclənməsi, üstəlik nüvə silahı əldə etməsi nə ilə nəticələnə bilər?
Hər kəs bu suallara özü-özlüyündə cavab versə, məsələyə münasibət daha aydın şəkil alacaq”.
