İran parlamentinin Milli Təhlükəsizlik və Xarici Siyasət Komitəsinin nümayəndəsi İbrahim Rezayi deyib ki, ölkəyə qarşı sanksiyaların təzyiqi davam edərsə, Tehran Nüvə Silahlarının Yayılmaması Müqaviləsindən (NPT) çıxa və uranı 60%-dən yuxarı səviyyəyə qədər zənginləşdirməyə başlaya bilər.
1xeber.media xəbər verir ki, bu barədə iyulun 19-da Tasnim agentliyi məlumat yayıb.
"İran hazırda əlavə protokolun könüllü icrasını dayandırıb, lakin hələ də NPT-nin üzvü olaraq qalır", - agentlik Rezaidən sitat gətirir.
O, Böyük Britaniya, Fransa və Almaniyaya xəbərdarlıq edib ki, sanksiyaların davamı İranın NPT-dən çıxması, uranın zənginləşdirilməsi səviyyəsinin 60%-dən yuxarı artırılması, müasir sentrifuqaların istehsalına və ixracına başlaması və nüvə əməkdaşlığının genişləndirilməsi qərarına gətirib çıxara bilər.
Bəyanatda qeyd edilir ki, sanksiyaların dərhal qaytarılması mexanizminin işə salınması vəziyyəti kökündən dəyişməyəcək, çünki İran artıq ciddi məhdudiyyətlər yaşayır.
