Ötən illərdə Xətai rayonu Sarayeva küçəsində həmin yol üstündə olan kiçik parkda ağaclar kəsilib obyekt tikilirdi. Bununla bağlı mətbuatda bir sıra məlumatlar dərc olunmuşdur. Hətta video və foto görüntülərə yayılmışdır.
Həmin ərazidə ictimai qınaq olduğu üçün işlər dayandırıldı.
Xalq.online daxil olan məlumata görə Sarayeva küçəsində yenidən həmin ərazidə qanunsuz obyekt açılıb.
Xətai sakinləri bildiriblər ki, metronun “Əhmədli” stansiyasının yaxınlığında – Sarayevo küçəsində yaşıllıq ərazidə iaşə obyektinin açılışına kim icazə verib? Bu məsələyə etiraz etdiklərini bildirən şikayətçilər burada aparılan işlərin ağacların məhv olmasına, şəhər mühitinin pozulmasına və insanların piyada hərəkətinə ciddi maneə yaratdığını deyiblər.
Amma ötən həftə yenidən Sarayeva küçəsində həmin ərazidə qanunsuz işlər aparılıraq obyekt fəaliyyət başladı.
Xətai rayon icra hakimiyyətinin başçısı Rafiq Quliyevdir.
Məsələ ilə bağlı Dövlət Şəhərsalma və Arxitektura Komitəsindən və Xətai rayon icra hakimiyyətindən heç bir açıqlama almaq mümkün olmadı.
Qurumların mövqeyini dərc etməyə hazırıq.
