Rusiya heç vaxt Suriyaya qarşı sanksiyaları dəstəkləməyib. Onların Qərb tərəfindən qaldırılması düzgün istiqamətdə bir addımdır.
1xeber.media xəbər verir ki, bunu iyulun 31-də xarici işlər naziri Sergey Lavrov suriyalı həmkarı Əsəd Həsən əl-Şibani ilə danışıqların yekunlarına dair mətbuat konfransında deyib.
"Biz heç vaxt Qərbin bu cür qərarlarını dəstəkləməmişik, BMT Təhlükəsizlik Şurasında heç bir sanksiyaların təşviqinə imkan verməmişik. İndi amerikalı və avropalı həmkarlarımız yavaş-yavaş bəzi sanksiyaları aradan qaldırmağa başlayırlar. Bu, düzgün istiqamətdə atılan addımdır".
Lavrov həmçinin qeyd edib ki, Rusiya Suriyaya qarşı tətbiq edilən məhdudiyyətlərin tamamilə aradan qaldırılmasının tərəfdarıdır. Onun sözlərinə görə, sanksiyalar tətbiq edildiyi deyilən siyasi xadimlərə deyil, dövlətin əhalisinə ziyan vurub.
