Beynəlxalq alimlər qrupu Yupiterin Günəş sisteminin formalaşmasından 1,8 milyon il sonra əmələ gəldiyini müəyyən edib.
1xeber.media xəbər verir ki, Tədqiqat Scientific Reports jurnalında dərc olunub.
Yaponiya və İtaliyadan olan mütəxəssislər öz işlərində meteoritlərdə tapılan xondrulların - ölçüləri 1 millimetrə qədər olan ərimiş silikat maddənin bərkimiş damcılarının tədqiqinə etibar etdilər. Alimlər süni intellekt (AI) modelindən istifadə edərək, xondrulların Günəş sisteminin formalaşmasından 1,8 milyon il sonra əmələ gəldiyini müəyyən ediblər - bu, Yupiterin dəqiq yaşı hesab olunur.
Materialda deyilir ki, 4,5 milyard il əvvəl Yupiter nəhəng ölçülərə qədər böyüdü. Planetin güclü cazibə qüvvəsi kiçik qayalı və buzlu cisimlərin - planetesimalların orbitlərini pozdu. Onların bir-biri ilə və yüksək temperaturda toqquşması nəticəsində xondrullar əmələ gəlib və onlar milyardlarla il sonra meteoritlərlə birlikdə Yerə düşüblər.
"Bizim modelimiz həmçinin göstərir ki, xondrulların əmələ gəlməsi Yupiter tərəfindən dumanlı qazın intensiv yığılması ilə üst-üstə düşür və bu, onun nəhəng ölçülərə çatmasına səbəb olub", - tədqiqatın həmmüəllifi doktor Dieqo Turrini bildirib. Xondrulun əmələ gəlməsinin zirvəsi Günəş sisteminin yaranmasından 1,8 milyon il sonra - Yupiterin meydana çıxması ilə eyni vaxtda baş verdi.
Alimlərin fikrincə, müxtəlif yaşlarda olan xondrulları tədqiq etməklə planetlərin doğulmasının ardıcıllığını izləmək və Günəş sisteminin necə təkamül etdiyini anlamaq mümkündür.
Bundan əvvəl amerikalı alimlər müəyyən ediblər ki, kosmik gəmilərlə informasiya mübadiləsi zamanı Yerin yaratdığı radiodalğalar əsasında yaradılan süni siqnallar yeni kosmik həyat formalarının axtarışı üçün əsas ola bilər.
