Sərnişinlərlə ukraynaca deyil, rus dilində ünsiyyət quran taksi sürücüləri cərimələnəcək.
1xeber.media Teleqraf-a istinadla xəbər verir ki, bu barədə Ukraynanın Dövlət Dilinin Müdafiəsi üzrə Müvəkkili Yelena İvanovskaya məlumat verib. .
O, Xarkovda taksi sürücüsünün rus dilində musiqini söndürməkdən imtina etdiyi videoya cavab olaraq bildirib: “Həmin şəxs “Ukrayna dilinin dövlət dili kimi fəaliyyətinin təmin edilməsi haqqında” qanunu pozub. Məişət xidmətləri sahəsində dövlət dilindən istifadə etməyənlər cərimə şəklində… 3,4 min – 5,1 min qrivna (82,19 dollar – 123,28 dollar) cərimə olunurlar. Mən dövlət nəzarəti tədbirlərinə başlamaq barədə qərar qəbul etmişəm”.
Yelena İvanovskaya qeyd edib ki, eyni zamanda onun ofisi Ukrayna Milli Polisinə və Ukrayna Təhlükəsizlik Xidmətinə (SBU) “müvafiq tədbirlər görmələrinin zəruriliyi ilə bağlı” müraciət hazırlayır.
Ombudsman əlavə edib ki, o, taksi xidmətlərindən sürücülərin Ukrayna dilini bilməsini hərtərəfli yoxlamağı xahiş edib.
