Şimali Koreya heç vaxt nüvə proqramından əl çəkməyəcək.
1xeber.media xəbər verir ki, bunu Şimali Koreya xarici işlər nazirinin müavini Kim Sonq Kyunq BMT Baş Assambleyasında çıxışı zamanı deyib.
"Koreya yarımadasında sülhə Şimali Koreyanın nüvə silahı zəmanət verir və bu, bizim rəqiblərimizi regionda müharibəyə səbəb olmaqdan çəkindirir, ona görə də bizim onlardan imtina etmək fikrimiz yoxdur. Onları tərk etmək zərurəti ilə bağlı bəyanatlar suverenlikdən və mövcud olmaq hüququndan imtinanı tələb etməyə bərabərdir", - diplomat vurğulayıb.
Kim Sonq Kyunq qeyd edib ki, ABŞ, Cənubi Koreya və Yaponiya arasında hərbi-texniki əməkdaşlıq birbaşa Şimali Koreyaya qarşı yönəlib. Onun sözlərinə görə, gələcəkdə o, "nüvə elementləri olan aqressiv hücumçu hərbi bloka" çevrilə bilər.
Sentyabrın 5-də Seuldakı Kungmin Universitetinin professoru Andrey Lankov Lenta.ru-ya bildirib ki, Amerikanın təhlükəsizlik zəmanətləri ilə bağlı şübhələr fonunda Cənubi Koreya hipotetik olaraq Şimali Koreyaya qarşı çəkindirici vasitə kimi nüvə silahı yarada bilər.
