Türkiyə hüquq-mühafizə orqanlarının əməkdaşları Don Vito təxəllüsü ilə tanınan narkobaron Abdulla Ayp Üstün və onun cinayətkar qrupunun maliyyə əməliyyatlarına cavabdeh olan Həsən Laləni həbs ediblər.
1xeber.media xəbər verir ki, bu barədə Türkiyənin daxili işlər naziri Əli Yerlikaya sosial şəbəkədəki səhifəsində yazıb.
Don Vitonun “CHROOKE” adlı cinayətkar qruplaşmaya rəhbərlik etdiyi, Həsən Lalənin isə həmin qrupun maliyyə işləri ilə məşğul olduğu açıqlanıb. Hər iki şəxs İnterpol tərəfindən beynəlxalq axtarışa verilib.
