Rusiya prezidenti Vladimir Putinlə ABŞ prezidenti Donald Tramp arasında görüşün tarixləri ilə bağlı dəqiq razılaşmalar yox idi, ona görə də sammitin “ləğv edilməsi” barədə danışmaq düzgün olmazdı.
1xeber.media xəbər verir ki, bu barədə oktyabrın 26-da Kremlin sözçüsü Dmitri Peskov məlumat verib.
"Prezidentlər görüş xatirinə görüşə bilməzlər. Ona görə də onlar Lavrov və Rubioya bu prosesi hazırlamaq tapşırığı verdilər. Belə yeni sammitin təməli qoyulmazdan əvvəl həqiqətən çox böyük ev tapşırığı edilməlidir", - Peskov bildirib.
O, həmçinin qeyd edib ki, Rusiya ilə ABŞ arasında belə bir anlaşma var ki, Putinlə Trampın görüşünü təxirə salmamaq yaxşı olardı.
