1xeber.media xəbər verir ki, “Bir sıra ölkələrin şirkətə və onun törəmə şirkətlərinə qarşı məhdudlaşdırıcı tədbirlərin tətbiqi ilə əlaqədar şirkət beynəlxalq aktivlərini satmaq niyyətini elan edir”, - “Lukoyl”un press-relizində deyilir.
Şirkət aktivləri sanksiyalara cavabdeh olan ABŞ Maliyyə Nazirliyinin Xarici Aktivlərə Nəzarət Ofisi olan OFAC-ın lisenziyasına uyğun olaraq satacaq.
“Lukoyl” zərurət yaranarsa, şirkət beynəlxalq aktivlərinin fasiləsiz fəaliyyətini təmin etmək üçün lisenziyanın uzadılması üçün müraciət etməyi planlaşdırır”.
Artıq satınalma müraciətlərinin nəzərdən keçirilməsinə başlanılıb.
ABŞ oktyabrın 22-də “Lukoyl” və “Rosneft”ə qarşı sanksiyalar tətbiq edib. Şirkətlərin ölkədəki aktivləri dondurulub, onlarla yeni əməliyyatlar qadağan edilib. Şirkətlərə fəaliyyətini dayandırmaq üçün bir ay vaxt verilib.
Bir həftə əvvəl Böyük Britaniya oxşar sanksiyalar tətbiq etmişdi. “Lukoyl”un saytında bildirilir ki, şirkətin Mərkəzi Asiya, Yaxın Şərq və Afrikanın bir sıra ölkələrində, eləcə də Meksikada beynəlxalq layihələri var.
