“Dövlət Sosial Müdafiə Fondunun gələn il üzrə ümumi xərclərinin 8 milyard 483 milyon manat olması proqnozlaşdırılır və bunun 96,6% və ya 8 milyard 196 milyon manatını əhaliyə ödənişlər təşkil edəcək”.
1xeber.media xəbər verir ki, bunu əmək və əhalinin sosial müdafiəsi naziri Anar Əliyev Milli Məclisin Əmək və sosial siyasət, Səhiyyə, Təbii ehtiyatlar, energetika və ekologiya, Beynəlxalq münasibətlər və parlamentlərarası əlaqələr komitələrinin birgə iclasında bildirib.
O vurğulayıb ki, bu vəsait 2024-cü illə müqayisədə 1 milyard 534 milyon manat, 2025-ci illə müqayisədə isə 788 milyon manat çoxdur.
Nazir 2026-cı il üzrə əmək pensiyalarının maliyyələşdirilməsi üçün ayrılan vəsaitin 2025-ci ilin təsdiqlənmiş xərcləri ilə müqayisədə 782,4 milyon manat və ya 10,9% artımla nəzərdə tutulduğunu deyib.
