Azərbaycanlının nar şirəsinə görə saxlanılması Türkiyə mətbuatında yenidən gündəmə gəlib.
2023-cü ildə azərbaycanlı Lissabonda nar şirəsi sifariş etdiyinə görə saxlanılıb. O, səhv başa düşülmənin qurbanı olub.
36 yaşlı azərbaycanlı turist Lissabonda restoranda telefonunda tərcümə proqramından istifadə edərək rusca "гранат" sözünü portuqal dilinə çevirməyə çalışıb. Proqram sözü səhvən "qumbara" kimi göstərib.
Turist ofisianta nar şirəsi istədiyini izah etmək üçün həmin tərcümədən istifadə edib, amma işçi bunu təhlükə siqnalı kimi başa düşüb və turistin qumbaraya sahib olduğunu düşünərək polis çağırıb.
Turist dərhal yaxınlıqda olan polis bölməsinə aparılıb və dindirilməsindən sonra sərbəst buraxılıb. Hadisə tərcümə proqramının səhvindən qaynaqlanıb və heç bir real təhlükə yaranmayıb. Onun hotel otağında axtarış aparıldığı da qeyd olunub.
