Rusiyanın Rabitə, İnformasiya Texnologiyaları və Kütləvi Kommunikasiyalara Nəzarət Xidməti – Roskomnadzor (RKN) “WhatsApp”ın ölkədə tam bloklana biləcəyi barədə rəsmi xəbərdarlıq yayıb.
1xeber.media xəbər verir ki, qurumun açıqlamasına görə, “WhatsApp” Rusiya qanunvericiliyini sistemli şəkildə pozur.
RKN iddia edir ki:
- Messencer Rusiyada terror aktlarının təşkilinə və icraçılarının cəlb edilməsinə vasitəçi kimi istifadə olunur;
- Platforma həmçinin fırıldaqçılıq sxemləri və digər cinayətlər üçün də aktiv istifadə edilir.
RKN bildirir:
“Məhdudiyyətlər mərhələli şəkildə tətbiq olunur ki, istifadəçilər digər messencerlərə keçə bilsinlər. Əgər “WhatsApp” Rusiya qanunvericiliyinin tələblərini yerinə yetirməsə, messencer tamamilə bloklanacaq”.
Xatırladaq ki, Rusiyada “WhatsApp” və “Telegram”la bağlı ilk məhdudiyyətlər avqustda tətbiq edilmişdi - həmin vaxt bu messencerlərdə səsli zənglər bloklanmışdı. RKN bunu “cinayətkarlığa qarşı mübarizə” ilə əsaslandırmışdı.
Sonda qeyd edilir ki, “WhatsApp”ın sahibi olan “Meta” Rusiyada ekstremist təşkilat kimi tanınır və qadağandır.
