Müdafiə naziri Denis Şmıxalın hesabatından sonra Ukrayna lideri Vladimir Zelenski müdafiə planına dəyişiklik etdiyini açıqlayıb.
1xeber.media xəbər verir ki, siyasətçi bu barədə öz Telegram kanalında yazıb.
"Ukraynanın fundamental müdafiə sənədlərini, xüsusən də dövlətimizin müdafiə planını dəyişməyin vaxtı çatıb. Hərbi əməliyyatların gedişi göstərdi ki, prioritetlərin dəqiq nəyi yeniləməlidi", - Zelenski yazıb.
Bununla belə, Ukrayna lideri hansı dəyişiklikləri və ya “yenilənmiş prioritetləri” nəzərdə tutduğunu dəqiqləşdirməyib.
Cümə günü, noyabrın 28-də prezident aparatının rəhbəri Andrey Yermak istefa verdi və Zelenski onun vəzifədən azad edilməsi haqqında sərəncam imzalayıb. Bundan bir qədər əvvəl Ukrayna Milli Antikorrupsiya Bürosunun (NABU) və İxtisaslaşdırılmış Korrupsiyaya Qarşı Mübarizə Prokurorluğunun (SAPO) müstəntiqləri Yermakın evində axtarışlar aparıblar.
