Gürcüstan parlamentinin spikeri Şalva Papuaşvili bəyan edib ki, ölkəsi Avropa İttifaqından (Aİ) kimyəvi silahla bağlı xəbərlərə görə üzr istəməsini tələb edir.
1xeber.media xəbər verir ki, bu barədə dekabrın 3-də Gürcüstanın Birinci Kanalında məlumat verilib.
"Mənə maraqlıdır ki, Avropa Komissiyasının sözçüsü Anita Hipper, Avropa Parlamenti üzvləri və muzdlu QHT-lər üzr istəməyi planlaşdırıblarmı", - Papuaşvili 2024-cü ildə etirazçılara qarşı I Dünya Müharibəsi dövründən qalma kimyəvi silahlardan istifadə edilməsi ilə bağlı xəbərləri şərh edərkən deyib.
O, vəziyyəti Gürcüstana qarşı hibrid müharibə kimi qiymətləndirib. Papuaşvilinin sözlərinə görə, bu, Brüssel və Avropa Komissiyasının sözçüsü ilə bağlı təbliğat və yalan hekayələrin davamıdır.
