Düzgün qidalanma vasitəsilə yaddaş və konsentrasiya sanki fiziki idman edirmiş kimi gücləndirilə bilir. Mütəxəssislər beynin daha sürətli, daha aydın, daha dəqiq və daha aktiv işləməsinə kömək edən 15 qidanı açıqlayıblar.
1xeber.media xəbər verir ki, düzgün seçilmiş qidalar beynin işləmə sürətinə və zehni performansına ciddi şəkildə təsir edir. Mütəxəssislərə görə, ümumi qidalanma tərzi diqqəti artırır, yaddaşı qoruyur və yaşla bağlı zehni zəifləməni gecikdirir.
Məlumata görə, tərəvəz, meyvə, paxlalılar, taxıl, sağlam yağlar və dəniz məhsulları tərkibli proteinlə zəngin pəhriz həm beyni, həm də ürək-damar sistemini eyni anda qoruyur.
Diyetoloq Co Uilyamsın açıqladığı beynin daha səmərəli işləməsinə yardım edən 15 qida bunlardır:
1. Taxıllar - Buğda çörəyi, bulqur, qəhvəyi düyü kimi qidalar aşağı qlisemik indeksi sayəsində beyinə müntəzəm qlükoza axını təmin edir.
2. Yağlı balıqlar - Somon, skumbriya, alabalıq və sardina omeqa-3 yağ turşuları ilə yaddaş və öyrənmə proseslərində mühüm rol oynayır. Omeqa-3 çatışmazlığı demensiya riskini artırır. Balıq yeməyənlər üçün kətan toxumu, çia, qoz və ya yosun əsaslı əlavələr tövsiyə olunur.
3. Tünd rəngli meyvələr - B meyvələr iltihabı azaldır, qısamüddətli yaddaşı dəstəkləyir.
4. Pomidor - Tərkibindəki antioksidant likopen beyin hüceyrələrini oksidativ stresdən qoruyur. Zeytun yağı ilə birlikdə qəbul edildikdə daha yaxşı təsir göstərir.
5. Yumurta və B vitamini mənbələri - B6, B12 vitaminin beyin damarlarına zərər verə bilən homosistein səviyyəsini azaldır. Yumurta həmçinin asetilxolinin yaranmasını dəstəkləyən kolinlə zəngindir, bu da yaddaş üçün vacibdir.
6. İtburnu, qara qarağat və C vitamini ilə zəngin qidalar - C vitamini enerji, stressin idarəsi və idrak performansı üçün vacibdir. Qırmızı bibər və brokkoli də güclü vitamin baxımından zəngindir.
7. Balqabaq tumu - Sink, maqnezium, B vitaminləri və triptofanla zəngindir. Həm yaddaşı, həm də əhval-ruhiyyəni yaxşılaşdırır.
8. Brokkoli və digər kələmkimilər - Beyin fəaliyyətini dəstəkləyən K vitamini ilə zəngindir. Kələm, gül kələmi və Brüssel kələmi də eyni təsir göstərir.
9. Adaçayı - Araşdırmalar adaçayının yaddaş və diqqəti gücləndirə biləcəyini göstərir. Yağı daha çox istifadə olunsa da, təzə yarpağı da faydalıdır.
10. Quru meyvələr və Çərəzlər - Xüsusilə qoz E vitamini ilə yaşla bağlı zehni zəifləməni ləngidə bilər.
11. Rozmarin (Bibəriyə) - Beyin hüceyrələrini qocalmaya bağlı zədələrdən qoruduğu düşünülür.
12. Sarıkök - Tərkibindəki kurkumin serotonin və dopamin səviyyələrini təsirləndirə bilər, əhvalı yaxşılaşdıra bilər. Yüngül depressiya əlamətlərini azaltmağa kömək etdiyi düşünülür.
13. Tünd şokolad - Yüksək kakao tərkibli olması sayəsində flavanollar beyin qan axınını artıra bilər. Xüsusilə yaşlılarda təsiri daha güclüdür.
14. Yaşıl Çay - Polifenollar beyin qocalmasını yavaşlada bilər. Gündə 2–3 fincan yaşıl çay demensiya riskinin daha az olması ilə əlaqələndirilir.
15. Qəhvə - Kofein ayıqlığı artırır, yaddaşı, diqqəti və reaksiya sürətini müvəqqəti gücləndirir. Adenozini bloklayaraq dopamin səviyyəsini yüksəldir.
