Avropa İttifaqı (Aİ) Rusiya ilə müharibə qorxusu və onun fəlakətli nəticələrinə görə Ukrayna nizamlanması ilə bağlı fikir ayrılığına malikdir.
1xeber.media xəbər verir ki, Türkiyəli xarici siyasət eksperti Fevzi Aytaç RİA Novosti agentliyinə müsahibəsində Aİ-nin fikir ayrılıqlarının səbəbini açıqlayıb.
"Aİ-nin vahid siyasi qurum kimi mövcudluğuna baxmayaraq, Rusiya və Ukrayna ilə bağlı məsələlərdə konsensus artıq mümkün deyil. Avropa dövlətləri getdikcə daha çox fərqli, hətta bəzən bir-birinə qarşı olan mövqeləri müdafiə edirlər", - o deyib.
Aytac qeyd edib ki, ABŞ prezidenti Donald Trampın Avropa liderlərini sərt tənqid etməsi də Aİ daxilində dərin fikir ayrılıqlarına işarə edir.
Bundan əvvəl rusiyalı senator Aleksey Puşkov Ukrayna ilə bağlı ABŞ və Aİ arasında yaranmış fikir ayrılığından danışmışdı. O qeyd edib ki, Vaşinqtonun hərbi əməliyyatları tez bir zamanda dayandırmaq istəyi Aİ-nin “müharibə ilə bağlı qeyri-real gözləntiləri” olan mövqeyi ilə tamamilə ziddiyyət təşkil edir.
