Xəbər verdiyimiz kimi, Qaradağ rayonu Korgöz qəsəbəsində yerləşən 197 saylı tam orta məktəbin ibtidai sinif müəllimi Sevda Həsənova dünən qəfil dünyasını dəyişib.
1xeber.media xəbər verir ki, 46 yaşlı müəllim məktəbdə sinif otağında vəfat edib.
Yaxınlarının sözlərinə görə, 3 uşaq anası olan Sevda Həsənovanın ürəyində problem olub, bir müddət əvvəl ona stent qoyulub. Əməliyyatdan sonra sağlamlıqla bağlı heç bir şikayəti olmayıb.
Qeyd edək ki, Respublika Təcili və Təxirəsalınmaz Tibbi Yardım Mərkəzi isə təcili yardım briqadasının hadisə yerinə gec gəlməsi iddialarını təkzib ediblər.
