1xeber.media xəbər verir ki, Qrenlandiyada beş siyasi partiyanın liderləri ərazinin ABŞ-a birləşdirilməsi çağırışlarına cavab olaraq, adaya və onun sakinlərinə qarşı hörmətsiz münasibətə son qoyulmasını tələb ediblər.
Demokratlar (Yens Frederik Nielsen), Mayak (Pele Broberg), Xalq İcması (Mute Egede), İrəli Partiya (Alec Hammond) və Həmrəylik Partiyasının (Akkalu Erimiassen) nümayəndələri birgə bəyanat yayıblar.
"Biz amerikalı olmaq istəmirik, danimarkalı olmaq istəmirik, qrenlandiyalı olmaq istəyirik. Qrenlandiya partiyalarının liderləri olaraq, ABŞ-ın torpaqlarımıza hörmətsizliyi dayandırmasını istəyimizi bir daha təkrarlamaq istərdik", - deyə onların birgə bəyanatında bildirilir.
Bəyanatda həmçinin Qrenlandiyanın həm ABŞ, həm də Qərb ölkələri ilə əməkdaşlığı davam etdirmək niyyəti vurğulanıb.
Tramp əvvəllər bildirmişdi ki, ABŞ Qrenlandiyanı icarəyə götürmək əvəzinə, ona sahib olmalıdır, çünki adaya yalnız ABŞ-ın sahib olması Vaşinqtonun milli təhlükəsizliyini təmin edəcək.
