İranda günlərdir davam edən etirazlar fonunda qadınların başlatdığı aksiya dünya mediasının gündəminə çevrilib.
1xeber.media xəbər verir ki, iranlı qadınlar küçələrdə ölkənin Ali lideri Seyid Əli Xameninin fotosunu tutaraq yandırır daha sonra həmin alovda siqaret yandıraraq etirazlarını nümayiş etdirirlər.
Son günlər sosial mediada geniş yayılan bu görüntülər yeni etiraz dalğasının simvolik “vizit kartı”na çevrilib.
Xarici media bunu həm siyasi meydan oxuma, həm də qadınların gündəlik həyatına nəzarət edən tabuların açıq şəkildə məsxərəyə qoyulması kimi şərh edir.
Onu da əlavə edək ki, İranda bu tip hərəkətlər adətən ağır cəzalarla nəticələnir.
Belə ki, (İslam Cinayət Məcəlləsi, maddə 514) “İmam Xomeynini və ya Ali rəhbəri hər hansı yolla təhqir etmə” cinayət sayılır və burada ən yaxşı halda 6 aydan 2 ilədək həbs nəzərdə tutulur.
İnsan haqları və media-hüquq icmallarında etiraz və siyasi paylaşımlarla bağlı ən çox işlədilən ittihamlardan biri “dövlətə qarşı təbliğat” olur və bu maddə üzrə 1 ilə qədər həbs müddəti nəzərdə tutulur.
Bu əməllərlə bağlı olan başqa bir maddə isə “müqəddəs dəyərləri təhqir”dir. Bu isə hüquq icmallarında bu kateqoriyanın daha ağır nəticələrə çıxma potensialı olduğu göstərilir. Amma bu, konkret işin məzmunundan və dövlətin necə çərçivələməsindən asılıdır.
Bütün bunların üzərinə “Silahlı üsyanla əlaqə” maddəsi də gəldiyi halda aksiyanı təşkil edən və iştirak edən qadınları edam cəzası gözləyə bilər.
Məhz buna görə, iranlı qadınların bu maddələrə meydan oxuyaraq estafeti bir-birilərinə ötürməsi sosial şəbəkələrdə viral olub.
“Indıan Times” isə yazır ki, “İranlı qadınlar Xameneiyə od vurmaq arzusunu həyatlarından da üstün tutur”.
