Sabahdan etibarən Azərbaycanda hava şəraitinin dəyişəcəyi bəzi bölgələrdə yağıntı, qar, duman və şaxtanın müşahidə olunacağı gözlənilir. Milli Hidrometeorologiya Xidmətinin məlumatına görə, xüsusilə gecə və səhər saatlarında temperaturun enməsi yollarda buzlaşma və sürüşmə riskini artıracaq.
Məhz bu hava şəraiti ilə əlaqədar ölkənin bir sıra avtomobil yolları daha təhlükəli hesab olunur.
1xeber.media bakupost.aza-a istinadla hava dəyişikliyi fonunda ən riskli yolların siyahısını təqdim edir:
1. Şamaxı aşırımı
Külək, duman və tez-tez buz bağlaması səbəbilə hərəkət çətinləşir.
2. Quba–Xınalıq yolu
Dar dağ yolu, qar və görünüş məsafəsinin azalması ilə seçilir.
3. Gədəbəy yolları
Şaxtalı hava şəraitində kəskin eniş-yoxuşlar sürüşmə riskini artırır.
4. Daşkəsən–Göygöl istiqaməti
Dağlıq relyef və duman səbəbilə xüsusilə gecə saatlarında təhlükəlidir.
5. Kəlbəcər–Laçın avtomobil yolu
Qar, duman və sərt relyef hərəkəti çətinləşdirir.
6. Oğuz–Qəbələ yolu
Səhər saatlarında buzlaşma ehtimalı yüksəkdir.
Sürücülərə xəbərdarlıq
Mütəxəssislər sürücülərə dağlıq ərazilərə səfər edərkən qış təkərlərindən istifadə etməyi, sürət həddini azaltmağı və hava şəraitini nəzərə almağı tövsiyə edirlər.
