Xəzər RİH başçısının növbəti səyyar qəbulu rayonun Binə qəsəbə sakinləri ilə keçirilib.
1xeber.media xəbər verir ki,səyyar qəbulda Xəzər Rayon İcra Hakimiyyətinin başçısı Elşən Salahov, təhsil, səhiyyə, mədəniyyət sahələrinin, xidmət təşkilatlarının rəhbər işçiləri və Binə qəsəbə sakinləri iştirak ediblər.
Xəzər Rayon İcra Hakimiyyətinin başçısı Elşən Salahov çıxışında son illər respublikada, o cümlədən rayonda aparılan quruculuq abadlıq işlərindən, qəsəbələrdə infrastruktur layihələrin icra olunması ilə bağlı nəzərdə tutulmuş tədbirlərdən geniş söhbət açıb.
Qəbul zamanı Binə qəsəbə sakinləri tərəfindən əsasən su-kanalizasiya sisteminin yenilənməsi ilə bağlı müraciətlər səslənib. Sakinləri narahat edən digər suallar ətrafında müzakirələr aparılıb, qaldırılan məsələlərin tez bir zamanda həlli ilə əlaqədar aidiyyəti qurum rəhbərlərinə müvafiq tapşırıqlar verilib.
