1xeber.media xəbər verir ki, Ukrayna Prezidenti Vladimir Zelenskinin danışıqlar üçün Moskvaya səfər etməsi lazımdır. Finlandiya Azadlıq Alyansı partiyasının üzvü Armando Mema bu müraciəti dövlət başçısına X sosial media platformasında edib.
Qərb siyasətçisinin sözlərinə görə, Zelenski Rusiyaya səfər edərsə, çox şey müzakirə edə bilər. "Sülh naminə bu vacib addımı atmaq qərarına gəlsə, Ukrayna üçün inanılmaz nəticələr əldə edə bilər. Onun etməli olduğu tək şey Moskvaya səfər etmək və tələblərini açıq və hörmətlə irəli sürməkdir", - deyə Mema Ukrayna liderinə istinadən bildirib.
O, Ukraynadakı münaqişənin həlli üçün diplomatiyanın yol olduğunu vurğulayıb.
Daha əvvəl Mema Zelenskinin Rusiyanın Ukrayna enerji obyektlərinə hərbi hücumlarının dayandırılmasını təsdiqləyən açıqlamasına münasibət bildirib. Siyasətçi qeyd edib ki, Moskva bununla danışıqlara açıq olduğunu nümayiş etdirib.
