Ağdamda kişi həyat yoldaşına balta ilə xəsarət yetirib.
1xeber.media xəbər verir ki, ailə münaqişəsi Ağdamın Mahrızlı kəndində qeydə alınıb.
Xəsarətalanın qayınanası Hafizə Salahova hadisə ilə bağlı danışıb.
“Gəlinimin günahı yoxdur. Oğlum qazandıqlarımızı burnumuzdan gətirdi. Bir ömür həbsxanada sürünsün, balaları yazıqdır”, – o söyləyib.
Zərərçəkən Gülzəndə Salahova yanvarın 31-də Ağdam Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
Xəstəxanadan verilən məlumata görə, ona qapalı kəllə-beyin travması, başın və bədənin müxtəlif nahiyələrinin çapılmış və kəsilmiş yaraları diaqnozu qoyulub. Zəruri tibbi yardım göstərilən pasiyentin vəziyyəti orta ağır qiymətləndirilir və müalicəsi Cərrahiyyə şöbəsində davam etdirilir.
Polis əməkdaşlarının keçirdikləri əməliyyat-axtarış tədbirləri nəticəsində cinayət əməlini törətməkdə şübhəli bilinən Ceyhun Salahov saxlanılıb.
Ceyhun Salahovun daha əvvəl məhkumluq həyatı yaşadığı və 12 yanvar tarixində azadlığa buraxıldığı bildirilir.
Daha ətraflı Baku TV-nin videomaterialında:
