İran İslam İnqilabı Keşikçiləri Korpusunun (SEPAH) Hərbi Dəniz Qüvvələri Fars körfəzində qanunsuz yanacaq daşıyan iki tankeri ələ keçirib.
1xeber.media xəbər verir ki, bu barədə "Mehr" agentliyi məlumat yayıb.
Məlumata görə, saxlanılan iki gəmi Fars adasının ətrafındakı sularda yanacaq qaçaqmalçılığı ilə məşğul olub. Tankerlərdə 1 milyon litrdən çox yanacaq daşınıb. SEPAH zabitləri əcnəbi olan 15 ekipaj üzvünü həbs edərək məhkəmə orqanlarına təhvil veriblər. Saxlanılanların milliyyəti açıqlanmayıb.
