1xeber.media xəbər verir ki, Ukrayna Prezidenti Volodimir Zelenski özünün Telegram kanalında dərc etdiyi paylaşımda Rusiya və ABŞ ilə növbəti danışıqların çox güman ki, ABŞ-da keçiriləcəyini bildirib.
“İndiyə qədər deyilənlərə əsasən, növbəti görüşlər yaxın gələcəkdə planlaşdırılır. Çox güman ki, ABŞ-da keçiriləcək”, - paylaşımda deyilir.
Daha əvvəl ABŞ Prezidentinin xüsusi nümayəndəsi Stiv Vitkov Rusiya və Ukrayna ilə danışıqları yekunlaşdırmışdı. O, Əbu-Dabidə keçirilən üçtərəfli görüşlərin konstruktiv olduğunu və davamlı sülh üçün şərait yaratmağa yönəldiyini bildirib.
Daha əvvəl ABŞ Prezidenti Donald Tramp ABŞ-ın Ukrayna münaqişəsinə son qoymaq üçün səylə çalışdığını açıqlamışdı. Tramp bu açıqlamanı Əbu-Dabidə keçirilən üçtərəfli danışıqların başa çatmasından sonra verib.
