"Mançester Siti"nin baş məşqçisi Xosep Qvardiola İngiltərə Premyer Liqasının növbəti turunda qarşılaşacaqları "Fulhem"lə matçdan öncə rəqib həmkarı barədə xoş sözlər söyləyib.
1xeber.media xəbər verir ki, təcrübəli mütəxəssis Marko Silvanın işini yüksək qiymətləndirib:
"Fulhem" hər mövsüm daha da güclənir. Onların meydandakı hərəkətliliyi, oyun üslubu və sürəti ən yüksək səviyyədədir. Marko Silva indiyə qədər qarşılaşdığım ən yaxşı məşqçilərdən biridir. Şübhə etmirəm ki, o, bir neçə il ərzində dünyanın ən top mütəxəssislərindən birinə çevriləcək".
Xatırladaq ki, hazırda "şəhərlilər" 50 xalla turnir cədvəlinin 2-ci, "Fulhem" isə 34 xalla 10-cu pilləsində qərarlaşıb.
Qeyd edək ki, komandalar arasındakı görüş sabah (11 fevral) Bakı vaxtı ilə saat 23:30-da başlayacaq.
