Naxçıvanda dövlət qurumlarına məxsus bir sıra avtomobillər satışa çıxarılır.
1xeber.media xəbər verir ki, bu barədə Trend-in Naxçıvan Muxtar Respublikasının İqtisadiyyat Nazirliyi yanında Əmlak Məsələləri Dövlət Xidmətinə istinadən məlumatına görə, siyahıda dörd nəqliyyat vasitəsi yer alıb.
Məlumata görə, hərrac Xidmətin tabeliyində “Hərracların Təşkili Mərkəzi” publik hüquqi şəxs tərəfindən 16 yanvar 2025-ci il tarixində keçiriləcək.
Satışa çıxarılan nəqliyyat vasitələrinin satart qiymətləri 1200 manatdan 7400 manatadək dəyişir.
Hərraca qanunvericiliyə müvafiq olaraq alıcı hesab edilən, sifariş və digər zəruri sənədləri hərracın başlanmasına ən geci 3 bank günü qalanadək təqdim etmiş və nəqliyyat vasitəsinin ilkin satış qiymətinin 10 faizi həcmində beh keçirmiş hüquqi və fiziki şəxslər buraxılırlar.
Sifarişlər Naxçıvan Muxtar Respublikası İqtisadiyyat Nazirliyi yanında Əmlak Məsələləri Dövlət Xidmətinin tabeliyində “Hərracların Təşkili Mərkəzi” publik hüquqi şəxs tərəfindən Naxçıvan şəhəri, 8-ci küçə, 1/5A ünvanında hərracın keçirilməsinə ən geci 3 (üç) bank günü qalanadək qəbul olunacaq.
