Miqrant işçilərin övladları 18 yaşına çatdıqdan sonra Rusiyanı tərk etməli ola bilərlər.
1xeber.media xəbər verir ki, Rusiya hökuməti müvafiq qanun layihəsini Dövlət Dumasına təqdim edib.
Təklif olunan dəyişikliklər "Rusiya Federasiyasında xarici vətəndaşların hüquqi statusu haqqında" qanuna aiddir. Qanun layihəsinə əsasən, miqrant işçilərin övladları yetkinlik yaşına çatdıqdan sonra 30 gün ərzində Rusiyanı tərk etməli və ya iş icazəsi üçün müraciət etməlidirlər.
Sənəddə həmçinin qeyd olunur ki, Rusiyada iş icazəsi ilə işləyən miqrantların övladlarına yalnız valideynlərinin iş icazəsinin müddəti ərzində ölkədə qalmağa icazə veriləcək.
Əvvəllər bildirilirdi ki, Rusiyada işləyən əcnəbilər ölkəyə özləri ilə gələn ailə üzvlərini dəstəkləməlidirlər. Bu tədbir miqrantın asılı ailə üzvlərinə şamil ediləcək.
