Ukrayna Prezidenti Vladimir Zelenski Rusiyanı danışıqları əngəlləməkdə günahlandırdı.
1xeber.media xəbər verir ki, bəyanat onun Telegram kanalında dərc edilib.
"Cenevrə danışıqlarında ABŞ aydın şəkildə gördü ki, danışıqları əngəlləyən ruslardır. Növbəti görüş vaxt itkisi olmamalıdır", - deyə siyasətçi vurğulayıb.
Zelenski qeyd edib ki, Ukrayna hakimiyyəti "Avropanın bütün proseslərdə iştirakını təmin etmək üçün sıx əməkdaşlıq edəcək".
"Mən həmçinin Umerova Yaxın Şərq və Türkiyəni cəlb etməyi tapşırdım", - deyə Ukrayna lideri yekunlaşdırıb.
"The Telegraph" əvvəllər Rusiya və Ukrayna nümayəndə heyətlərinin bir-birini tənqid etməmək və ya danışıqların gedişatını açıq şəkildə müzakirə etməmək barədə razılığa gəldiyini bildirmişdi.
17 və 18 fevral tarixlərində Cenevrədə Rusiya, Ukrayna və ABŞ arasında Ukrayna münaqişəsinin həlli ilə bağlı üçtərəfli danışıqlar keçirilib. Rusiya nümayəndə heyətinin rəhbəri Vladimir Medinski onları "sərt, lakin işgüzar" adlandırıb. Ukraynalı həmkarı Rüstəm Umerov danışıqlardan sonrakı əhval-ruhiyyəsini "yaxşı" adlandırıb.
