Qərb ölkələrinin Kiyevə nüvə silahı əldə etməyə imkan vermək cəhdləri Rusiya tərəfindən sərt cavabla qarşılanacaq.
1xeber.media xəbər verir ki, bu barədə Rusiya Xarici İşlər Nazirliyinin sözçüsü Mariya Zaxarova nazirliyin rəsmi Telegram kanalında bildirib.
Diplomat vurğulayıb ki, "Kiyevə hərbi nüvə imkanlarını əldə etməyə kömək etmək üçün atılan hər hansı bir addım ölkəmizin təhlükəsizliyinə birbaşa, kritik təhdid yaratmaq cəhdi kimi qəbul ediləcək və qaçılmaz olaraq sərt cavabla qarşılanacaq".
Zaxarova həmçinin nüvə gücləri arasında birbaşa hərbi toqquşma riskləri və onun ağır nəticələri barədə xəbərdarlıq edib. Onun sözlərinə görə, Böyük Britaniya və Fransanın ehtiyatsız hərəkətləri təkcə Rusiyanın təhlükəsizliyindən daha çox şeyləri təhdid edir.
Daha əvvəl Rusiya Xarici Kəşfiyyat Xidməti (SVR) Fransa və Böyük Britaniyanın Ukraynanı nüvə bombası ilə silahlandırmağa hazırlaşdığını bildirmişdi.
