1xeber.media xəbər verir ki, Ukrayna danışıqlar qrupunun rəhbəri Rüstəm Umerovun Telegram-da verdiyi məlumata görə, Ukrayna və ABŞ nümayəndə heyətləri 26 fevralda Cenevrədə ikitərəfli danışıqlar aparacaqlar.
O bildirib ki, Ukraynanın iqtisadiyyat naziri Oleksiy Sobolev və onun müavini Daria Marçak, Ali Radadakı hakim Xalq Xidmətçisi Partiyası fraksiyasının rəhbəri David Araxamiya ilə birlikdə Kiyevdən danışıqlara onu müşayiət edəcəklər. ABŞ prezidentinin nümayəndəsi Stiv Vitkov və ABŞ prezidenti Donald Trampın kürəkəni Cared Kuşnerin də Vaşinqtondan görüşə qatılacağı açıqlanıb.
Umerov yazıb: "Hökumətin iqtisadi komandası ilə birlikdə rifah paketini hərtərəfli hazırlayacağıq: Ukrayna üçün iqtisadi dəstək və bərpa mexanizmləri, investisiya cəlb etmək üçün vasitələr və uzunmüddətli əməkdaşlıq."
Onun sözlərinə görə, görüşdə həmçinin Ukrayna ilə bağlı üçtərəfli danışıqların növbəti mərhələsi və Moskva ilə Kiyev arasında mümkün məhbus mübadiləsi məsələsi müzakirə olunacaq.
