AMEA-nın Şərqşünaslıq İnstitutunun direktor müavini, fəlsəfə üzrə fəlsəfə doktoru, dosent Elnur Mustafayevin adından qurumun rəsmi saytında yayımlanan “Dezinformasiya və yaxud AMEA-ya məqsədyönlü və qərəzli informasiya hücumu haqqında bir neçə söz” sərlövhəli yazının süni intellekt vasitəsilə hazırlandığı məlum olub.
1xeber.media xəbər verir ki,teleqraf-ın əldə etdiyi məlumata görə, yazıda konkret olaraq “ChatGPT”nin stili öz əksini tapıb.
Belə ki, fəlsəfə doktoru “ChatGPT”dən istifadə edərək mövzuya uyğun suallar ünvanlayıb və aldığı cavabları öz imzası ilə ictimaiyyətə təqdim edib.
İmza ilə yanaşı, AMEA-nın rəsmi saytındakı yazıda alimin fotosu da əks olunub.
“ChatGPT”nin özü isə alimin “yazısını”nın süni intellekt məhsulu olması ehtimalını 70-85 faiz kimi dəyərləndirib. Analizdə emosional keçidlərin süni göründüyü, fərdi mövqenin zəif olduğu vurğulanıb. Bundan başqa, emosional hissə ilə akademik hissə arasında üslub fərqinin zəif olduğu bildirilib.
