Ermənistanın Baş naziri Nikol Paşinyanla həyat yoldaşı Anna Akopyanın boşanma xəbəri erməni cəmiyyətində yeni müzakirələrə səbəb olub.
1xeber.media xəbər verir ki, erməni siyasi şərhçi Hakob Badalyan deyib ki, hökumət iqamətgahından kirayə mənzilə köçən Anna Akopyanın dövlət himayəsindən məhrum olması bəzi təhlükəli hallar yarada bilər.
“Bu məqama diqqət çəkmək istəyirəm. Əgər bu hekayə sadəcə seçki hiyləsi deyilsə, Anna Akopyanın, necə deyərlər, dövlət himayəsindən məhrum qalmasını səhv hesab edirəm...
Akopyan indiyədək daşıdığı dövlət statusuna görə çoxlu sayda məxfi məlumata sahib ola bilən bir insandır. Buna görə də, əgər o, dövlət himayəsindən məhrum olarsa, həmin məxfi məlumatların müxtəlif "talelərə" məruz qalma riski var”, - Hakob Badalyan bildirib.
Siyasi şərhçi digər bir məsıləyə də diqqət çəkib:
“Bu məsələnin başqa bir tərəfi də var, Əlbəttə ki, məncə, bu da son dərəcə vacibdir. Anna Akopyan deyir: "Küçədə tək görsəniz, mənə zərər verməyin". Cəmiyyət çoxşaxəli və çoxqatlıdır və küçədə nə baş verə biləcəyini, o cümlədən Anna Akopyanı "qurban" kimi təqdim etməyə yönəlmiş mümkün təxribatları proqnozlaşdırmaq mümkün deyil. Əlbəttə ki, söhbət onun həyatına birbaşa təhlükədən deyil, əksinə, nəticələri müxalifət qüvvəsinə qarşı istifadə edilə biləcək alçaldıcı və ya xoşagəlməz hadisələrdən gedir.
Bu cür ssenarilər mümkündür. Bəs siyasətdə, xüsusən də cəmiyyətin təcrübəsi və tanınmış beynəlxalq presedentlər nəzərə alınmaqla, hansı ssenari qeyri-mümkün hesab edilə bilər?
Buna görə də, mənim subyektiv fikrimcə, Anna Akopyan ehtiyatda olmalıdır. Əlbəttə ki, onun şəxsi həyatı ilə bağlı digər məsələləri nəzərdən keçirmək və ya müzakirə etmək niyyətim yoxdur”.
modern.az
