Ukraynanın döyüşlər zamanı itkilərinin yarıdan çoxu ölkə rəhbərliyinin yetkin olmaması ilə əlaqələndirilib.
1xeber.media xəbər verir ki, Lvov meri Andrey Sadovyi Ukraynanın "Apostrophe" telekanalında bunda Ukrayna hakimiyyətini günahlandırıb.
"Döyüşlər zamanı itirdiyimiz insanların yarıdan çoxu komandirlərin səriştəsizliyi və ölkənin hərbi-siyasi rəhbərliyinin yetkin olmaması ilə bağlıdır", - deyə o bildirib.
Merin sözlərinə görə, generallara bunu dedikdə, onlar onu düzəldir və itkilərin 70-80 faizinin səriştəsiz komandirlərin ucbatından olduğunu iddia edirlər.
Bir müddət əvvəl Ukrayna prezidenti Vladimir Zelenski Ukraynadakı münaqişənin gələn il bitə biləcəyini bildirmişdi. O, həmçinin qeyd edib ki, Ukraynanın itirilmiş ərazilərinin geri alınması barədə danışmaq çox çətindir.
