1xeber.media xəbər verir ki, Tehranın Yaxın Şərqdəki ABŞ hərbi bazalarına raket hücumları nəticəsində ən azı 200 nəfər ölüb və yaralanıb.
İslam İnqilabı Keşikçiləri Korpusu (SEPAH) açıqlamasında bildirib ki, "ABŞ bazalarına raket zərbələri nəticəsində ən azı 200 ABŞ hərbçisi ölüb və yaralanıb".
SEPAH həmçinin bildirib ki, İrana atılan bir neçə ABŞ və İsrail raketi İraqın və digər Körfəz ölkələrinin səhra və şəhər ərazilərinə düşərək hədəflərinə çatmayıb.
28 fevral səhəri İsrail İrana qarşı qabaqlayıcı zərbə endirib və bu addımı müdafiə naziri İsrael Katz təsdiqləyib. "New York Times" mənbələrə istinadən ABŞ-ın Tehrana endirilən zərbələrdə iştirakını bildirib. "Əl-Cəzirə"nin məlumatına görə, ABŞ və İsrailin zərbələri İslam Respublikasının təhlükəsizliyini pozmaq məqsədi daşıyır.
İsrail və ABŞ-ın təcavüzünə cavab olaraq, İran BƏƏ də daxil olmaqla, bir sıra Yaxın Şərq ölkələrində İsrail ərazisinə və ABŞ hərbi bazalarına hücum edib. İslam İnqilabı Keşikçiləri Korpusu Tehranın cavab tədbirlərinin düşmən tamamilə məğlub edilənə qədər davam edəcəyini vurğulayıb.
