Son zamanlar sosial şəbəkələrdə özəl klinikalarda çalışan həkimlərə qarşı bir növ səlib yürüşünə başlanılıb.Bunun da bir çox subyektiv səbəbləri var.Ancaq bizi başqa bir məsələ maraqlandırır. Belə ki,bəzi şəxslər pasiyent qismində özəl klinikalara daxil olur, qanuna müvafiq qaydaları kobud şəkildə pozaraq şəxsin icazəsi olmadan onun görüntülərini qeydə alır, daha sonra isə klinikada çalışan həkimlə əlaqə saxlayaraq özünü pasiyent kimi yox,jurnalist kimi təqdim edir.
1xeber.media ya xəbər verir ki, məsələnin mahiyyətini dərindən araşdırdıqda məlum olur ki, həmin şəxslərin heç jurnalist təhsili belə yoxdur. Onlar jurnalist adından sui-istifadə edərək, qanuna zidd hərəkətlər edirlər, şəxsin icazəsi olmadan onun görüntülərini qeydə alırlar, sanki orda pasiyent obrazı yaradırlar, bir növ həkimlə sıx təmas quraraq əməliyyat prosedurlarının hansı formada icra olunması ilə bağlı şərtləri öyrənirlər. Burada diqqətçəkən məqamlardan biri ondadır ki, özünü əvvəl pasiyent.sonra isə jurnalist kimi təqdim edənlər heç bir tibbi müayinədən keçmir, heç bir cərrahi əməliyyat üçün hər hansı vəsait ödəmir, amma buna baxmayaraq həkim və onun köməkçisi ilə əlaqə saxlayıb müəyyən şərtlər qarşılığında həkimi sözün əsl mənasında şantaj edirlər. Bu isə qanunazidd olan hərəkətlərdir.
Etibarlı mənbələrdən kanalımıza daxil olan məlumatda iddia olunur ki, özəl klinikaların birinə pasiyent qismində daxil olan Sevil adlı şəxs həkimin icazəsi olmadan gizli çəkiliş aparır,görüntüləri qeydə alır. Eyni zamanda bu "pasiyent-jurnalist" xanım daha sonra həkimlə əlaqə saxlayaraq, özünü jurnalist kimi təqdim edib. Danışıq əsasında Sevil adlı şəxs həkimin görüntülərini qeydə aldığını, videonu sosial şəbəkələrdə yaymamaq müqabilində müxtəlif tələblər irəli sürüb. Onun tələbləri yerinə yetirilmədiyi halda isə görüntüləri sosial şəbəkələrdə paylaşıb və həkimlə bağlı müxtəlif ittihalmalr da irəli sürüb.
Ümid edirik ki,bu məsələ aidiyyatı qurumlar tərəfindən araşdırılacaq və obyektiv qiymət veriləcək.
