Azərbaycan və Ermənistan arasında davamlı sülh və sabitlik, eləcə də regional əməkdaşlıq istiqamətində atılan addımları məmnuniyyətlə qarşılayırıq.
1xeber.media xəbər verir ki, bu fikirləri Türkiyənin xarici işlər naziri Hakan Fidan İstanbulda Türk Dövlətləri Təşkilatının (TDT) Xarici İşlər Nazirləri Şurasının (XİNŞ) qeyri-rəsmi iclasından sonra mətbuata açıqlamasında bildirib.
“Bu addımlar Cənubi Qafqazda sülhün artıq praktik müstəvidə öz əksini tapmağa başladığını göstərir. Bu dinamikanın qorunması və ən qısa zamanda daimi sülh sazişi ilə tamamlanması ən böyük arzumuzdur”, - deyə nazir qeyd edib.
