1xeebr.media xəbər verir ki,“The War Zone” nəşrinin məlumatına görə, ABŞ İrana zərbələr endirmək üçün Böyük Britaniyaya 15 bombardmançı təyyarə göndərib.
Mənbələr bildirir ki, Qlosterşir qraflığındakı Ferford aviabazasında 12 ədəd “B-1B Lancer” və 3 ədəd “B-52 Stratofortress” bombardmançı təyyarəsi yerləşdirilib.
Dərc edilmiş görüntülərdə “B-1B” təyyarələrinə xüsusi davamlı hədəfləri məhv etmək üçün nəzərdə tutulmuş “JDAM” sığınacaq əleyhinə bombaların yüklənməsi prosesi əks olunub. Bu, taktikada dəyişiklik olduğunu göstərir: görünür, ABŞ Hərbi Hava Qüvvələri yalnız qanadlı raketlərdən istifadə etmək əvəzinə, artıq İran ərazisindəki möhkəmləndirilmiş yeraltı obyektlərə və bunkerlərə birbaşa zərbələr endirmək imkanı əldə edib.
Ekspertlər bunu İranın müəyyən bölgələri üzərində hava üstünlüyünün qazanılması ilə əlaqələndirirlər ki, bu da ağır bombardmançı təyyarələrin birbaşa münaqişə zonasında tətbiqinə şərait yaradır.
