ABŞ getdikcə gözlənilməz tərəfdaşa çevrilib və bu, Avropa ölkələrinin təhlükəsizliyini birbaşa təhdid edir.
1xeber.media xəbər verir ki, bunu "Röyters"ə Fransa ordusunun baş komandanı Fabien Mandon Parisdə keçirilən təhlükəsizlik forumunda deyib.
Mandon qeyd edib ki, rəsmi Paris hərbi əməliyyatların planlaşdırılması və başlanmasında Vaşinqton tərəfindən koordinasiyanın olmamasından hiddətlənib:
"Müttəfiq olaraq qalan, lakin getdikcə gözlənilməz hala gələn və hərbi əməliyyatlara başlamaq qərarına gələndə bizə xəbər verə bilməyən Amerika bizi təəccübləndirdi".
Onun sözlərinə görə, belə davranış xətti təhlükəsizliyə və maraqlara təsir edir.
General bildirib ki, NATO-nun əsas müttəfiqləri arasında etimad sarsılıb:
"Fransa və ABŞ onilliklər boyu yan-yana oldu, lakin İranda müharibə başlayandan sonra hər şey dəyişdi. Vaşinqton müstəqil şəkildə strateji qərarlar qəbul edir və atdığı addımlarla bağlı tərəfdaşlarına xəbərdarlıq etmir".
