İrəvan Ümumi Yurisdiksiya Birinci İnstansiya Cinayət Məhkəməsi Ermənistan Xarici İşlər Nazirliyinin əməkdaşı Aşxen Aleksanyanın işi üzrə hökm çıxarıb.
1xeber.media xəbər verir ki,Musavat.com-un erməni mediasına istinadla xəbərinə görə, Aleksanyan bəraət alıb.
Bu barədə vəkil Abqar Poqosyan xəbər yazıb. O, Ermənistan Cinayət Məcəlləsinin 418-ci maddəsi (hüquqdan məhrum etmə: 15-20 il və ya ömürlük həbs) ilə dövlətə xəyanətdə ittiham olunurdu.
Erməni mediası bir müddət öncə Avstriyaya yeni təyin olunmuş konsul Aşxen Aleksanyanın İrəvana gələrkən həbs olunduğu barədə məlumat yaymışdı. İddiaya görə, Aşxen Aleksanyan azərbaycanlı ilə sevgili olub və ona bəzi məxfi məlumatlar ötürüb. .Aleksanyan “xarici dövlətin nümayəndəsinin dövlət sirri olan məlumatlarla tanış olmasına şərait yaratmaq və düşmənçilik fəaliyyətinin həyata keçirilməsinə köməklik göstərmək”lə təqsirləndirilib.
İddiaya görə, diplomatın üzərindən bəzi sənədlər tapılıb. Erməni qadın dindirilmə zamanı təkbaşına hərəkət etmədiyini söyləyib. Saxlanılma əməliyyatından sonra Ermənistan Milli Təhlükəsizlik Xidməti Xarici İşlər Nazirliyinin binasında genişmiqyaslı axtarışlar aparıb. Belə ki, o, Adəm adlı bir oğlanla tanış olub. Guya konsul onun azərbaycanlı olduğunu bilməyib. O özünü ABŞ-də doğulmuş və Avstriyada yaşayan yəhudi iş adamı kimi təqdim edib, ingilis və alman dillərində danışaraq ünsiyyət qurublar. Daha sonra o, məlumatları qarşı tərəfə ötürüb. Bu müddət ərzində Aşxen ayda 3500 avro nağd pul alıb.
Məhkəmənin bəraət qərarı isə iki cür izah oluna bilər: həm əvvəldən saxta ittiham irəli sürülüb, həm də sülh quruculuğunda İrəvan belə bir addım atmaq istəyib.
